Арнайы ұйымдардың (ПМПК, ППТК, ОО) жұмыс бастау тәртібі

Арнайы ұйымдардың (ПМПК, ППТК, ОО) жұмыс бастау тәртібі

Республика аумағында арнайы ұйымдар (психологиялық-медициналық-педагогикалық консультациялар (ПМПК), психологиялық-педагогикалық түзеу кабинеттері (ППТК), оңалту орталықтары (ОО) (бұдан әрі – АҰ) жергілікті атқарушы органдардың жанында құрылған төтенше жағдайлар бойынша штабтардың және өңірдегі санитарлық дәрігердің шешімімен 2020 жылғы 11 мамырдан бастап жұмыс істей алады.

Балалар мен қызметкерлердің  арнайы ұйымдарда өмірі мен денсаулығын сақтауға, қауіпсіз жағдайлар жасауға жауапкершілік АҰ-ның басшысына жүктеледі.

Жұмысты бастау ұсынылады:

1. ПМПК штаттық режимде құрастырылған кестеге сәйкес келесі тәртіпте:

2020-2021 оқу жылына арналған білім беру бағдарламасын анықтау қажет балаларды қабылдау;

2020-2021 оқу жылында үйде оқуын жалғастыруға/алуға мұқтаж болған балаларды қабылдау;

2020-2021 оқу жылы арнайы мектепке дейінгі білімге мұқтаж балаларды қабылдау;

ауыр психикалық-физикалық ауытқулары бар балаларды ППТК-ға қабылдау үшін қабылдау;

ата-аналар, денсаулық сақтау және білім беру ұйымдарының бастамасымен.

2) ППТК, ОО штаттық режимде құрастырылған кестеге сәйкес келесі тәртіпте:

эмоционалды-ерік және аутизм бұзылыстары бар балаларды қабылдау;

бұзылуының ақаулы құрылымы бар балаларды қабылдау (дамудың кешенді бұзылулары);

ақыл-ойы бұзылған балаларды қабылдау (жеңіл, орташа, ауыр ақыл-ой бұзылулары бар);

тірек-қозғалыс аппаратының бұзылулары бар балаларды қабылдау;

психикалық тежелуі бар, сөйлеу қабілеті бұзылған балаларды қабылдау;

көрмейтін, нашар көретін, естімейтін, нашар еститін балаларды қабылдау.

Ағымдағы жылдың 18 мамырынан бастап ППТК-да және ОО-да  шағын топпен және топтық сабақтар өткізе алады.

Шағын топпен сабақтар екі баладан аспайтын құрамда өткізіледі. Топтық сабақтарды 3-4 адамнан аспайтын балалар санынан бастау ұсынылады, кейін күн сайын бала санын (2 адамнан) күндізгі және қысқа уақыт болатын топтарды жинақтау нормасына дейін көбейту ұсынылады.

АҰ ашу үшін білім басқармаларына, білім бөлімдеріне, арнайы ұйымдарға жергілікті атқарушы органдардың жанында құрылған төтенше жағдайлар бойынша штабтың қабылданған шешімі және өңірдегі санитарлық дәрігердің рұқсатының негізінде:

– ПМПК-да тексеру уақыты мен күнін белгілеу, алдын ала жазылу жүргізу; телефон және/немесе басқа мессенджерлер (ватсап, телеграмм, электрондық пошта) бойынша  қашықтан анамнезді  алдын ала жинауды жүргізу);

– ППТК-да және ОО-да қашықтық тәртібінде пандемия жағдайында ұйым мен ата-аналар арасында келісім-шарт жасау ережесін түсіндіру;

– АҰ-ға бару мәселесі бойынша ата-аналармен түсіндіру жұмыстарын жүргізу (жұмыс тәртібі, денсаулық жағдайы, тиісті киім-кешек, АҰ-да күн тәртібін сақтау және т.б., баланы ертерек алып келу, өйткені балаларды қабылдау белгілі бір уақытты алуы мүмкін);

- 2020 жылғы 11 мамырдан бастап АҰ-да жұмыс істейтін қызметкерлердің санын анықтау, жұмысқа шығатын қызметкерлердің кестесін жасау;

– карантин кезеңіндегі күн тәртібін бекіту;

– тәрбиелеу-білім беру процесін жүргізу;

– балалардың жас және жеке ерекшеліктерін ескере отырып, жұмысты жоспарлау;

- қауіпсіз жағдайды қамтамасыз ету мақсатында келушілерді тұрақты бақылау;

– күн тәртібіндегі сәттерді өткізуде, түрлі әрекетті ұйымдастыру кезінде қашықтықты сақтау;

– жеке жұмысты және шағын топпен жұмысты жоспарлау;

– балалар әрекетінің әр түрлерін өткізу кезінде басқа педагогтер мен тәрбиешінің көмекшісін тарту.

Арнайы білім беру ұйымдарында

санитарлық- дезинфекциялық тәртіпті сақтау алгоритмі

1. Қызметкерлерді жұмысқа жіберу жергілікті қоғамдық денсаулық сақтау қызметінің келісімімен. Жедел респираторлық инфекциялары (жоғары температура, жөтел, тұмау) және басқа да жұқпалы аурулары бар қызметкер жұмысқа жіберілмейді.
2. Балалар учаскелік педиатрдың баланың денсаулығы жөніндегі анықтамасымен қабылданады. Медицина қызметкері барлық қызметкерлерге күнделікті таңғы фильтр жүргізеді. Балаларды қабылдау кезінде күнделікті таңғы фильтрді медицина қызметкері және қызметкерлер жүргізеді. Егер аурудың белгілері анықталса, қызметкерлер жұмысқа жіберілмейді, балалар үйге ата-анасымен бірге оралады.
3. Келесі санаттағы тұлғаларға:

– COVID-19 жағдайы расталған адамдармен байланыста болғандарға;

– соңғы 14 күнде COVID-19 жағдайлары тіркелген шет елден немесе өңірлерден келгендерге;

– жедел респираторлық ауру белгілері бар тұлғаларға балаларды АҰ-ға әкелуге болмайды.

1. Объектіде қызметкерлердің, келушілердің қолдарын өңдеу үшін көрінетін және қолжетімді орындарға тері антисептиктерін орналастыру қарастырылады.  
2. Балалардың қолдарын санитарлық торапқа кіріп шыққан соң және басқа да қажетті сәттерде жуу (сұйық сабынды қолданып, қолдарды жуу) қызметкерлердің  жеке жауапкершілігіне жүктеледі.  
3. Желдету тәртібін сақтау: балалар топта болған жағдайда бір сағат сайын 15 минуттан кем емес топты желдету, балалар болмаған кезде топты өтпелі желдету.
4. Есік тұтқаларын, баспалдақ таяныштарын, терезе алдын, түбектерді, топтағы санитарлық-техникалық жабдықтарды дезинфекциялау құралдарын қолданып (топ бөлмелерінде балалар болмаған кезде ғана дезинфекциялық құралдарды қолдану),  екі мәрте өңдеу.
5.  Дезинфекциялау және жуу құралдарының, антисептиктердің жеткілікті болуы.
6.  Су ішу тәртібін сақтау (бір рет пайдаланатын стакандар).
7. АҰ-ның қызметкерлерімен эпидемияға қарсы тәртіпті сақтау мәселелері бойынша нұсқау жүргізу.
8. АҰ-да медицина қызметкерлері үшін бетперделердің және жеке сақтану құралдарының болуы. 

Мектепке дейінгі және арнайы білім беру ұйымдарының карантиннен шығу тәртібі және санитарлық-дезинфекциялық режимді сақтау алгоритмі  ұсынымдық сипатта беріледі, жергілікті атқарушы органдардың шешімі бойынша өңірдегі санитариялық-эпидемиологиялық жағдайды ескере отырып іске асырылады.