Ерейментау қаласының тарихи-өлкетану мұражайына саяхат

              №2ППТК балалары 6 сәуір күні Ерейментау қаласының тарихи-өлкетану мұражайына барып қайтты. Мұражай қызметкерлері ауданымздың тарихымен, мұражайға сыйланған көне заттармен таныстырып шықты. Мұражайға саяхат жасауда балаларымыз  ғылымның, білімнің, мәдениеттің қалыптасуына ықпал ететін ғылыми мекеме ретінде өскелең ұрпақтың тәрбиесіне, тарихи сананың қалыптасуына ықпал етеді.

              Мұражай 1991 жылы XVIII ғасырдағы қазақтың ірі әскери қолбасшыларының бірі, Абылай хан дәуірінің атақты қолбасшысы Бөгенбай батырдың туғанына 300 жыл толуына орай ашылды. 1999 жылы Бөгенбай батырдың есімін тарихи-өлкетану мұражайына беру туралы шешім қабылданды.
            1999 жылы мұражайдың құрметті қонағы Қазақстан Республикасының Тұңғыш Президенті Нұрсұлтан Назарбаев болды. Елбасының сыйлы жазуы бар кітап пен сыйлық музей экспозициясында ұсынылған.2005жылы “Мәдени мұра” бағдарламасы аясында мұражай ғимаратына жөндеу жұмыстары жүргізіліп, төрт залда: аудан тарихы залы, палеонтология, Археология және өлке табиғаты ұсынылған жаңа экспозиция салынды.
           Көрме залында жергілікті суретшілер мен халық шығармашылығы шеберлерінің көрмелері орналасқан.Мұражай Ерейментау ауданының қоғамдық ұйымдарымен, оқу орындарымен тығыз байланыста. Музей қызметкерлері көп жылдар бойы белгілі археолог Айман Досымбаевамен бірлескен ғылыми-зерттеу жұмыстарын жүргізіп келеді. “Рухани жаңғыру” бағдарламасын жүзеге асыру аясында мұражайда “Бөгенбай батыр жорықтарының ізімен” атты музейлік ғылыми-зерттеу жобасы жүзеге асырылуда. Жыл сайын Ерейментау ауданының тарихи-археологиялық орындары бойынша ғылыми-зерттеу, туристік және жинақтау экспедициялары өткізіледі.